Isikkamik arsaalluni GM-ertoqarnerani ippassaq unamminerit inerneri takukkit
- Teknikkikkut atortorissaarutivut siallerujussuarnera pissutigalugu masattupilussuummata, tv-kkut ullumikkut aallakaatitsinerput unitsiinnartariaqarparput, KNR TV-mi pisortaq Kim Larsen ippassaq ualikkut nalunaaqutaq 16.30 taama nalunaaruteqarpoq.
Unamminerilli soorunami ingerlatiinnarneqarput imalu inerneqarlutik:
Pulje A-mi Nuummiut IT-70-imeersut Uummannarmiut FC Malamuk 5-2-mik ajugaaffigaat, Iluliarmiullu N-48-meersut TM-62-imeersut 12-0-imik ajugaaffigalugit.
Pulje B-mi pissartaasut B-67-imeersut Maniitsiormiut Kagssassuk 2-0-mik ajugaaffigaat, Qeqertarsuarmiullu G-44-meersut Siuteroq Nanortalimmeersoq 1-0-mik ajugaaffigalugu.
Unamminerit immikkoortuisa aappaata naammassinerani IT-79 aamma N-48 pulje A-mi siuttuupput, tamarmik arfinilinnik pointeqarlutik, gruppe B-milu B-67 arfinilinnik pointeqarluni siuttuuvoq Siuteroq pingasunik pointeqarluni normu 2-jusoq.
Pissartanngorniunnerit ullumi ingerlaqqissapput unamminerit sisamaassallutik - ullumikkut silaginneruvoq, taamaammat nalunaaqutaq 13.00-imit tv-kkut radiokkullu aallakaatitsisoqarsinnaanissaa naatsorsuutigineqarpoq.
Najoqqutarisaq: NBU