Assi: Flickr/ Ministerio TIC Colombia

Nunatsinni internetsernermut isumannaallisaanermut annertusaaneq Danmarkimiit aaneqassaaq

Nunatsinni pisortanut suliffeqarfinnullu angisuunut avataaniit qarasaasiakkut internetsikkullu marserniat upalungaarsimaneri annertusaavigineqassapput. Digitalimik Sullissinermut Aqutsisoqarfiup Nunatsinni internetsernermi isumannaallisaanerup nukittorsarnissaanut inatsisissamik siunnersuusiorlutik aallartipput.

Internetsernermi isumannaallisaanermut inatsisissamik nutaamik siunnersuusiorluni aallartittoqarpoq. Tamassuma Danmarkip Kalaallillu Nunaata akornanni suleqatigiinnissaq qulakkiissavaa. Inatsisitaaq aqqutigalugu aamma Danmarkimi iluaqutissanik aallersinnaaneq oqinnerulissaaq. Danmarkip Nunattalu akornanni internetsernermi isumannaallisaanermut tunngasunik suleqatigiinnerup annertusarnerata iluaqutissartai amerlanerupput, Tove Ditlevsdal, Digitalimik Sullissinermut Aqutsisoqarfimmi pisortaagallartoq nassuiaavoq.

AAMMA ATUARUK  Norgemi isertortumik paasiniaasartut paasisaat Nunatsinni ernumassutissaanngillat

- Center for Cybersikkerhedimut isersinnaalissagutta immikkut ilisimasalinnik aamma suleqateqarsinnaanngussaagut. Avataanut neqeroorusiorniartilluta, teknikkikkut ilisimasaqarnerulissuugut, isumannaallisarnikkullu siunnersortissinnaalissalluta.

Kalaallilli Nunaata oqartussaaffiarnavianngitsoq naqissuserpaa.

- Danmarkip naalagaaffiata ataaniinnavianngilagut, suleqatigiikkusuppugulli. Nakkutigineqarnissarput kissaatiginngilarput. Nammineerluta aperisinnaatitaarusuppugut nakkutigineqarusussagutta. 

AAMMA ATUARUK Politiit qarasaasiakkullu isumannaallisaaneq illersornissaq pillugu isumaqatigiissummi nukittorsarneqartut

Suliniut Tele-Postip pisortaanit Kristian Reinert Davidsenimit tigulluarneqarpoq. 

-  Danskit pisortaannik suleqateqalerneq allanut suleqateqalernermiit pitsaanerunersoq iluamik nalilersorsinnaanngilara. Internetsernermilu isumannaallisaanermi pisortanik inatsimmillu nukittorsaateqarnissaq isumatusaarneruvoq, tamannalu pisariaqarsinnaasarpoq. 

Digitalimik Sullissinermi Aqutsisoqarfiup Naalakkersuisunut inatsisissatut siunnersuut ukiaanerani inatsisartuni oqaluuserisassanngortinnissaannut piareernissaa naatsorsuutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat