Nunatsinni Danmarkimilu nunap sajuttarnera nunap assingata elektroniskiusup ersersikkaa
Nunatsinni Danmarkimilu nunap sajuttarnera pillugu alapernaakkuit nutaarsiassatsiaqalerpoq.
GEUS nittartakkakkut nutaanik nunap assinginik elektroniskiusunik ammaaqqammerpoq, taakkunani nunap sajuttarnerinik ataatsimut nalunaarsuinerit malinnaavigisinnaavatit.
GEUS tusagassiuutinut nalunaarummi taamak allappoq.
Nittartakkat GEUS-ip nunap sajuttarnerinik nalunaarsuivimmiit toqqaannartumik saqqummersinneqartarput, nalunaarsuinerit ilisimasalinnit nakkutigineqartarput, taamaalillutik nunap sajunneri inuit suliaat nunap sajunneratut nalunaarsorneqarneq ajorput.
Uuttortaatit pitsanngoraluttuinnartut
Nunatta Danmarkillu nunat sanilerisaanni nunap sajunneri nittartakkakkut nutaakkut ersersinneqartarputtaaq, nunap assingini elektroniskiusuni takuneqarsinnaallutik, nunalli sanilerisanit nalunaarsuinerit pitsaassusaat qulakkeerneqarneq ajorput. Taamaammat sajunnerit nunap sajunneranik pissuteqarnersut qulakkeerlugu oqaatigineqarsinnaanngillat.
Uuttortaatip uuttortaanerit amerlanerusut ullutsinni nalunaarsortarpai, siornatigut nunap sajuttarneri ikinnerunerinik isumaqanngilaq. Kisianniliuna uuttortaatip pitsanngoraluttuinnarneranik pissuteqartoq.
Nunatsinni nunap sajunneranik uuttortaat 1969-imeerpoq, Danmarkimili 1930-meersuulluni.
Nunap assinga elektroniskiusoq nutaaq uani takusinnaavat.
