Nunatsinni aatsaat taama lottortoqartigaaq

Kisitsisit 2004-meersut eqqarsaatigalugit Danske Tips aqqutigalugu Nunatsinni aningaasanoorneq eqqorniunnerillu annertuseriarsimaqaat.

Aningaasat taamanikkut kaaviiaartitat 53,6 millioni koruuniupput, siornalu 77,5 millioni koruuniullutik. Tassa imaappoq, Danske Tips aqqutigalugu aningaasanoorneq ukiut sisamat ingerlaneranni 23,9 millioni koruuninik annertuseriarsimavoq.

Eqquiniarnerit aqqutigalugit akitsuutitigut Nunatta karsiata isertitai marloriaatinngorsimapput. 2004-mi isertitat 7,8 millioni koruuniupput, siornalu 14 millioni koruuninngorsimallutik.

Spilleautomatit aqqutigalugit akitsuutitigut isertitat aamma amerleriarujusssuarsimapput. Akitsuutitigut 2004-mi isertitat 5,4 millioni koruuniupput, siornalu 11,8 millioni koruuniullutik. Tassa marloriaataa sinnerlugu.

Spilleautomatill aqqutigalugit aningaasat kaaviiaartitat taamaaginnapajaarput, 81 millioni koruunit missaanniikkamik.

Bingornerit allallu aqqutigalugit isertitat allanngorpiarsimanngillat.

Aningaasanoorajuttuunerup Nunatsinni ajornartorsiuaanera Radioaviisimi ulluni kingullerni sammivarput.

Aningaasanoorajuttut Kalaallit Nunaanniittut amerliartuinnartut, imikkut ilisimasallit oqaatigaat, ajornartorsiullu annertussusaata qulaajaavigineqarnissaa aamma oqaluttuaralutigu.