Nunat NATO-mi ilaasortat illersornissamut aningaasartuutissatut anguniakkat pillugit isumaqatigiittut
Illersornissamut aningaasartuutit naalagaaffimmi tunisat ataatsimut nalingat ikinnerpamik 2 procentiussasut, nunat killiit illersoqatigiiffianni NATO-mi ilaasortat isumaqatigiipput.
NATO-p Litauenimi Viliniusimi ataatsimeersuarnerani tamanna isumaqatigiissutigineqarpoq.
NATO-p qullersaa, Jens Stoltenberg, tusagassiortunik katersortitsinermi taama oqarpoq.
Litauenimi ataatsimeersuartoqarnerani taama aalajangertoqarnissaa naatsorsuutigineqareersimavoq.
Illersornissamut aningaasartuuutigineqartussat ikinnerpaamik 2 procentiussasut, Jens Stoltenbergip arlaleriarluni oqaatigisareerpaa.
Illersornissamut aningaasartuutit naalagaaffiup tunisaasa ataatsimut nalingisa ikinnerpamik 2 procentiusaqartariaqarneranik anguniagaq, NATO-p 2014-mi ataatsimeersuarneraneersuuvoq.
Nunat ilaasortat arlaqartut, taakkununnga ilaalluni Danmark, 2 procentit ataanniipput.
Nunat killiit illersoqatigiiffianni ilaasortani aqqanillit illersornissamut aningaasartuutit 2 procentiunissaanik anguniagaq qaangersimanngikkunnikku angoreeraat, Jens Stoltenberg tusagassiortunik Vilniusimi katersortitsinermi oqarpoq.
Nunat killiit 31-t illersoqatigiinni NATO-mi ilaasortaapput, Sverigelu ilaasortanngorpat 32-nngussallutik.
