Nunat inoqqaavisa piginnaatitaaffiinik illersuisoq politiinit tigusarineqarpoq
Dmitri Berezhkov-ip tigusarineqarnera pillugu, Norgemi samit kattuffiata siulittaasuata, Aili Keskitalo-p, Norgemi oqartussat isornartorsiorpai.
- Nunat inoqqaavinut russit præsidentiata, Putin-ip naqisimanninnerata kinguneranik, norskit oqartussaasa maleruutiinnarnerat isumakulunnarpoq, Keskitalo NRK-mut oqarpoq.
Norgep avannaani illoqarfimmi Alta-mi, nunat inoqqaavisa ataatsimiinnerisa kingorna, angerlartillluni Dmitri Berezhkov tigusarineqarsimasoq, Dmitri Berezhkov-ip nuliata oqaluttuarisimagaa, Aili Keskitalo oqaluttuarpoq.
Dmitri Berezhkov Tromsø-p Universitetiani ilinniartuuvoq.
Samit kattuffiata siulittaasuata, Aili Keskitalo-p aamma oqaluttuaraa, Dmitri Berezhkov-imut inatsisilerituumik illersuisussamik maanna ujaasileruttorlutik.
- Dmitri Berezhkov-ip Rusalndimut utertseqqinneqarnissaa ersissutigisatsinnut ilaavoq. Ruslandimi eqqissilluni inuusinnaanngilaq, Aili Keskitalo NRK-mut oqaluttuarpoq nangillunilu.
- Dmitri Berezhkov Ruslandimi politikkikkut ingerlatsinermut tunngasunik isornartorsiuisartuuvoq, tamannarpiarlu pillugu Norge-mut qimaasuulluni, Aili Keskitalo NRK-mut oqaluttuarpoq.