Nunat Avannarliit Siunersuisoqatigiivisa atuakkat pingasut innersuussutigaat
Meeqqanut inuusuttunullu atuakkiortunut arfineq-pingajussaat akissarsisitsisoqassaaq, akissarsisitsinerlu ukioq allortarlugu ingerlanneqartarpoq. Savalimmiut, Kalaallit Nunaat aamma Islandi tamarmik atuakkamik ataatsimik toqqaasarput.
Atuakkat taakku ilaat ataaseq, 2016-imi aggustimi, 60.000 koruuninik nalilimmik akissarsisinneqassaaq. Nunani taakkunani ataasiakkaani naliliisartut atuakkamik ataatsimik inassuteqartarput.
Kalaallit Nunaanni naliliisutut komitii piukkussinermut tunngavilersuummini ilaatigut ima allapput:
- Nukappiaraq AVUU pillugu oqaluttuaq tassaavoq nukappiaqqap nunarsuaq pillugu takorluuineranik imalik, ullut tamaasa nutaanik misigisaqarfiusartoq.
- Meeqqat ulluinnarsiutigalugu nunarsuaat sammineqarpoq, sunaluunniit aliikkutarissallugu ajornavianngitsoq qularutissaanani, anaanallu killissai misilittaatigalugit.
- Atuagaq kalaallisut qallunaatullu atuaruminartumik allanneqarsimavoq, aamma kusanartunik assiliartalersorneqarsimavoq. Atuagaq perorsaanermut atorneqarsinnaavoq, aamma assiliartai pitsaasut meeqqanut minnernut tikkuartagassatut atorneqarsinnaapput.