Nunasiniat tuusintilikkuutaat peqqussutit allanngortinnagit USA-mut iserniarsarisut
USA-mut nunasiniarnermi peqqussutit coronap tuniluunnerani ajornarlisinneqartut, killeqarfimmi nakkutilliinermut peqqussutit ullaassaq unitsinneqarput.
Taamaattorli malittarisassaq, "Title 42"-mik taamani taagorneqartoq, allamik nutaamik taarserneqarpoq, taamaaliornermi unioqqutitsillutik nunasiniat ingalassimatinniarlugit.
Malittarisassalli nutaap atuutilinngitsiarnerani nunasiniat tusintilikkuutaat nunasinissaminnut akuerineqarnissartik neriuutigalugu kuuit ikaarlugit, qarmarsuartigut majuarlutik ungaluliatigullu portusuutigut paarmorlutik USA-mut iserniarsaripput.
Nunasiniat ilaat killeqarfimmi paarsisunut saaffiginnittut ilaat arajutsisitsillutik USA-mut iserniarsaripput.
Malittarisassat nutaat naapertorlugit nunasiniat aatsaat akuerineqarsinnaapput, nunasiniat nunat allat killeqarfiisigut akuerineqaqqaarlutik isersimappata imaluunniit malittarisassat naapertorlugit USA-mut nunasinissamik qinnuteqarpata.
Malittarisassalli nutaat atuutilersinneqartut tulluartuunersut ulluni tulliuttuni paarsinarsiumaartoq oqaatigineqarpoq.
Malittarisassap "Title 42"-p atuutsinneqarnerani nunasiniat 10.000-t Mexicomiit USA-mut ullut tamaasa iserniarsarisarput.
