DMI: Nuna tamarmi silarluttussaanera pissutigalugu timmisartuussiffiussanngilaq

Air Greenlandip aqagu sularlunnissaa peqqutigalugu timmisartuussinissaraluani tamaasa taamaatiinnarpai. Nuummi silarlunnerpaassasoq DMI paasissutisiivoq.

- Aqagu pisussaq pissanganartorujussuuvoq. Naqitsiniisaffik annertooq takkutissaaq, kujataanullu unnuaruinnartoq  annguteriissalluni, nunattalu sineriaatigut avannamut ullaami ullaap tungaanilu ingerlaassaaq, DMI-mi silasiortoq, Marie Timm oqarpoq.

Narsami Nuummilu ullaarnganiit anoraasuartarsinnaanissaaa taassuma ilimasaarutigaa. Anoraasuasarnera anorersuartut sakkortutigisinnaasassasoq, taanna oqarpoq.

Anoraa avannamut ingerlaassaaq, taamaalilluni Ilulissani Upernavimmilu aamma anoraasuartassangatippaa.

AAMMA ATUARUK Air Greenland: Angalanissat tamarmik anorersuarnissaa pissutigalugu taamaatinneqarput

Qaanaat Ittoqqortoormiillu kisimik anorersuassanngitsut, silasiortoq ilimasaarivoq. Nuummili sakkortunerpaaassaq. Tamaani anoraasuasarnera ualinerani sekundimut 30 meteringorsinaasassaaq - sekundimut 24,6 meterinik anorleraangat anorersuasarpoq.   

- Nuummi qaqqap Ukkusissap inissisimaffia uumisaarilaassaaq. Tamaanilu sakkortuumik anoraasuartarnissaa naatsorsuutigaarput, Marie Timm oqarpoq.