Air Greenland: Angalanissat tamarmik anorersuarnissaa pissutigalugu taamaatinneqarput
Aqagu anorersuarnissaa pissutigalugu timmisartuussisoqarsinnaassanngilaq.
- Kalaallit Nunaata kitaata annersaani Tunumilu anorip silallu pissusiata Air Greenlandip timmisartuutiminik qulimiguuliutiminillu angalatitsisinnaaneranut naliusut sinnerneqartussaapput, Air Greenlandimi Timmisartuusinermut immikkoortortaqarfimmi pisortaq, Niels Chemnitz Frederiksen oqarpoq.
Sineriammi tamakkerlugu sakkortuumik anorersuassangatinneqarpoq.
- Nunap iluani nunanullu allanut timmisartuussinissagut kinguartinneqartariaqarput, ilaasussattalu aqagu sisamanngornermi novembarip ulluisa 14-ianni timmisussaagaluit angalanissaat piaarnerpamik nuunneqassapput.
Illoqarfiit ilaanni ilaasussat sumiiffimminni silagikkaluartoq aallarnissamik taamaatinneqarneranik misigisaqassapput. Kisiannili timmisartoq ornitamut ataatsimut timmisartuussissappat, isumannaallisaaneq eqqarsaatigalugu angallavimmi timmisartorfigisamini mittarfimmut allamut missinnaasussaavoq, Air Greenland paasissutissiivoq.
- Ilaasussatta sulisuttalu isumannaassusaat qulakkeerniarlugu taamatut aalajangiivugut, Air Greenlandimi Timmisartuusinermut immikkoortortaqarfimmi pisortaq oqarpoq.