Assi: Scanpix

Nunarput Savalimmiullu Issittumi Siunnersoqatigiinni pingaaruteqarnerusumik inissisimalissasut

Naalagaaffeqatigiinni ataatsimiititaliaq nutaaq ministeriunerup oqarnera naapertorlugu nunatsinnut Savalimmiunullu ”periarfittunerulersitsissaaq”.

Kalaallit Nunaat Savalimmiullu Issittumi Siunnersoqatigiinni pingaaruteqarnerusumik inisssisimalissasut, ministeriuneq Mette Frederiksen naalagaaffeqatigiinni ataatsimiinnerup kingorna sisamanngornermi unnukkut oqarpoq.

Múte B. Egede taassumalu suleqataa savalimmiormiu Bárður á Steig Nielsen aamma peqataapput.

Attaqarnissamut ataatsimiititaliamik nunanit ministerinit atorfilinnillu ilaaffigineqartumik pilersitsisoqassaq, tassanilu sillimaniarnermut illersornissamullu tunngasut immikkut ukkatarineqassallutik.

Kalaallit Nunarpullu Issittumi Siunnersuisoqatigiinni ataatsimiittoqarnerani Naalagaaffeqatigiit sinnerlugit salliullunilu isumaqatigiissutinik atsiortuusassaaq.

Nunarput atsiorlunilu oqaaseqartuusassasoq

Aammattaaq nunarput Naalagaaffeqatigiit sinnerlugit Issittumi Siunnersoqatigiinni ataatsimiittoqarneranut atatillugu oqaaseqartuusassaaaq. Tamatuma kingorna Savalimmiut - naggataanilu Danmark oqaaseqartassallutik.

AAMMA ATUARUK Múte Marienborgimi: Nunanut allanut tunngasuni sillimaniarnermilu oqaasissaqarnerorusuppugut

- Nunarsuup allanngoriartornera iluatigalugu Naalagaaffeqatigiinni assinganik allannguisoqarlunilu allanngoriartortoqarnissaatut isigineqassaaq, ministeriuneq, Mette Frederiksen oqarpoq.

- Danmark issittumi naalagaaffiunngilaq. Tamanna tamanit takuneqarsinnaallunilu malugineqarsinnaavoq, taamaammat susassaqarfimmut tassunga tunngatillugu suleqatigiinnermik pitsanngorsaarusuppugut, kisianni Kalaallit Nunaat Savalimmiullu pingaaruteqarnerusumik inissisimalersillugit, Mette Frederiksen oqarpoq.

Annerusumik inissisimalernissaq anguniagaraarput 

Tamannalu Múte B. Egedep ilorrisimaarutigaa:

- Pingaaruteqarnerusumik annerusumillu inissisimalernissarput nuannaarutigaara. Tamanna Kalaallit Nunaanni piffissami sivisuumi kissaatigineqarpoq, Naalakkersuisut siulittaasuat oqarpoq.

- Pitsaasumik kinguneqarluartussamillu ullumi oqaloqatigiippugut. Immitsinnut inissaqartinnerussaagut - annerusumik qitiunerusumillu inissisimalernissarput nunatsinni anguniagaarput.

Múte B. Egedep Naalakkersuisunut apriilimi siulittaasunngornerata kingorna aatsaat siullermeertumik Naalagaaffeqatigiinni ataatsimiittoqarpoq.

Ukiumut ataasiartumik ataatsimiittoqartarpoq. Naalagaaffeqatigiinnilu sammisat piffissami saqqumilaartut oqallisigineqarnissaat siunertaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat