Nunarput qaffakkiartorpoq
Nunatta sineriaa tamakkerlugu GPS-inik nassitsissutinik ukiuni kingullerni ikkussuisoqarpoq, taakkulu ullup unnuallu ingerlanerani Danmarkimi USA-milu ilisimatusartunut paasissutissanik nassiussuiuartuupput.
Nassitsissutit taakku qaarsumut ikkussugaapput, nalunaarsugaallu qaammataasat ikiorsiullugit pissarsiarineqartarlutik. Taamaalilluni paasineqarpoq, sermersuup aakkiartornerata ilutigisaanik Nunarput qaffakkiartortoq.
Sermeq tonsinik millioninik arlalinnik oqimaassusilik nunamut nanertuiunnaaraangat - taava nuna qaffaamisarpoq. Tunup kujataani nuna ukiumut centimeterinik pingasunik qaffaamisarpoq. Tamannalu ilisimatuut nunarsuatsinni allami naammattoorsimanngisaannarpaat.
- GPS-i atorlugu uuttortaanerit nunarsuatsinni sumi tamaneersut misissortarnikuuakka, tamatumunngalu assingusinnaasunik naammattoorsinikuunngilanga, taama oqarpoq ilisimatooq Michael Bevis, Ohio Universitetimeersoq, Pituffiup eqqaani uuttortaavinnik alakkartereqqammersoq.