Politikki

Nunarput nalunaarusiamik Naalagaaffiit Peqatigiinnut tunniussisoq

Nunarput, Danmark aamma Savalimmiut peqatigalugit ukiut tallimakkuutarlugit Naalagaaffiit Peqatigiit Meeqqat pillugit ataatsimiittartuutitaannut nalunaarusiamik tunniussisartussaavoq Naalagaaffeqatigiinnermi isumaqatigiissutikkut piginnaatitaaffiit piviusunngortinneqarnerinut tunngatillugu killiffik siuariartornerillu pillugit.
Assi © : MIO
Allattoq Simon Uldum -
aggustip 26-at 2016 10:23

Naalakkersuisut Nunatsinni isumaqatigiissummik eqquutsitsineq pillugu namminerisamik immikkoortumik tunniussaqarsimapput, tassani ilaatigut Nunatsinnit ataatsimiittartuutitanit kingullerpaamik soraarummeersitsinermi Genéve 2011-imi pissarsiarineqarsimasunit kaammattuutinit nassiussisoqarsimalluni.

Naalagaaffiit Peqatigiit Meeqqat pillugit isumaqatigiissutaani artikel 41-imi takuneqarsinnaavoq, naalagaaffinnit peqataasunit nalunaarusiarineqartut nalinginnaasumik namminneq nunaminni tamanut pissarsiarineqarsinnaasunngortitsisassasut.

Naalagaaffiit Peqatigiit Meeqqat pillugit ataatsimiittartuutitaanut nalunaarusiaq tamanut ataatsimiittartuutitap nammineq nittartagaani saqqummiunneqareernerata kingorna maannakkut  www.naalakkersuisut.gl-imi tamanut saqqummiunneqarpoq.

Ilanngullugu nalunaarusiaq Kalaallit Nunaanni soqutiginnittunut nassiunneqassaaq, taakkununnga ilanngullugit kommuninut, inuiaqatigiinni inuinnaat kattuffiinut aamma inuit pisinnaatitaaffii pillugit kattuffinnut. 

Nalunaarusiaq uani atuarneqarsinnaavoq.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq