Nunarput Lonely Planetimi allaaserineqarpoq

Atuagassiaq Tuluit Nunaanni nunanilu tuluttut oqaluffiusuni saqqummersinneqartartoq, Lonely Planet Magazine, nunatsinnut tunngasunik allaaserisarpassuarnik, titartakkatigut takussutissianik assinillu marsimi normumini saqqummersitsivoq.
Allattoq Elisa Isaksen
apriilip 08-at 2010 13:27

Branding Greenlandimit suliniuteqartoqarnerata kinguneranik saqqummersitsineq piviusunngortinneqarpoq, siunnersuisoqatigiit ilaatigut

Air Greenlandimit, Royal Greenlandimit kiisalu Nunanut allanut Pisortaqarfimmit ilaasortaqarput.

- Aviisiliortut, assiliisartut filmiliortartullu aalajangersimasut tapersornerat imminut akilersinnaasoq, allaaserisatigut ersersinneqarpoq, nittarsaassinermi ataqatigiissaarisoq Mads Nordlund Markedsnytimut oqarpoq, nangillunilu:

- Takornarianik siunnersuisoqatigiiffittut kisitta isumalluutaanata, akunnittarfiit, angalatitsisartut, timmisartortitseqatigiit assigisaasalu tapersersuillutik peqataanerat pingaarutilerujussuuvoq, taanna oqarpoq.

Atuagassiaq Lonely Planet 45.000-inngorlugu saqqummersinneqartarpoq, quppernerillu saqqummiunneqartut ussassaarutinngorlugit ilanngunneqarsimagaluarunik millionit koruunit missaannik akeqarsimassagaluartut Nunatsinni Takornariaqarnermi Inuussutissarsiornermilu Siunnersuisoqatigiit paasissutissiissutigisartagaanni "Markedsnyt"-imi atuarneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq