Nunarput, Danmark savalimmiullu pilersaaruteqarput
Kunngeqarfik Danmarki - taamami taaneqartarmat - issittumi periusissamik suliaqarsimavoq. Silap pissusaata allanngoriartupiloornerani Danmark, Kalaallit Nunaat Savalimmiullu qanoq inissisimanersut pilersaarummi paasissutissiissutigineqarput
Allattoq Hagen Højer Christensen, Carla Davidsen
aggustip 22-at 2011 11:40
Unammillernartut taamaalillutik ammaanneqartussanngorput.
Issittumi periusissat Illu Atlantikumi Københavnimiittumi Nunanut allanut ministerimit, Lene Espersenimit, Naalakkersuisut siulittaasuannit, Kuupik Kleistimit Savalimmiunilu Lagmandimit, Kaj Leo Holm Johannesenimit ulloqeqqata siorna saqqummiunneqarput.
Kalaallit Nunaannit, issittumi periusissani kunngeqarfimmi pingaaruteqarluinnartumit, erseqqissaatigineqartariaqarsimavoq, Issittoq inoqarfiusoq, silallu pissusaata allanngoriartornera taakku inuunermi aningaasatigullu atugaannut, assorsuaq sunniuteqartoq.
Issittumi perusissat ullumikkut radioaviiseqarnitsinni sammingaatsiartussaassavavut.
