Nunaqarfimmiut qaammarsarneqassapput

Kalaallit Nunaanni Nunaqarfiit Peqatigiiffianni, KANUNUPE-p, siulittaasuat Jens Kristian Therkelsen, nunaqarfiiit pillugit ilisimatuup kaammattuutaanut isumaqataalluni taama oqariartuuteqarpoq.

- Ataatsimut isigissagaanni nunaqarfinni sullittorujussuupput pingaartumik inuussutissarsiornikkut periarfissagissaartut nunaqarfiit annertuumik aningaasatigut isaatitsiviupput, KANUNUPE-p, siulittaasua Jens Kristian Therkelsen taama oqarpoq.

AAMMA ATUARUK Bygdeforældre skal støtte deres børn til uddannelse

Nunaqarfinni najugallit najukkaminni najugaqaannassagunik namminneq kivitseqataasariaqartut, nunaqarfiit pillugit ataatsimeersuarneermi oqaatigineqartoq, taassuma taamaalilluni uppernarsarniarpaa.  
Taassumalu nunaqarfimmiut inuussutissarsiornikkut aallariarfissaqartut tikkuarpaa. 

- Imaassinnaavoq aamma takornariaqarnermiittoq piffiit ilaanni, imaassinnaavoq qeqqussanittoq, imaassinnaavoq nunalerinermiittoq naatsiianik naatitsinermiittoq, naluara. Tassa taakku nuqarfimmiut nunaqarfimmi eqqaat ilisimaarilluarpaat suut periarfissarinerlugit aallartiffissaq tassaniittariaqarpoq, Jens Kristian Therkilsen taama oqarpoq.

Qaammarsaaneq

Nunaqarfimmiullumi sulerusussuseqarluartuusut, taasuma qularutiginngilaa, taamaattorli qaammarsarneqarnissaat aamma avaqqunneqarsinnaanngitsoq oqarluni.

- Assersuutigalugu aana suliffeqarfik aallartikkusutarput kisiannili qanoq iliussuugut piginneqatigeeriaatsit qanorukua nunatsinni inatsiseqartut, Jens Kristian Therkilsen KNR-mut taama oqarpoq.

AAMMA ATUARUK Nunaqarfiit ilaat ineriartortinneqarsinnaapput