Nunaqarfik ilungersunartumik nalaanneqartoq

Nunatsinni nunaqarfiit avannarlersaat Siorapaluk piffissami kingullermi ilungersunartunit nalaanneqartarpoq - tassa toqusoqarneranik nalaanneqartarami.

Niviarsiaqqap sapaatip akunnerata siuliani qimminit paaneqarnini toqqutigaa.

Ippassarlu nunaqarfimmiut tallimat siullermik Qaanaaliaanneqartariaqarsimapput kingusinnerusukkullu Nuummut Dronning Ingridip Peqqissaavianukaanneqarlutik. Tamatumani toqunartulimmik nerisimanerat pissutaatinneqarpoq.

Nittartakkami Sermitsiaq.AG-mi oqaatigineqarpoq, arnap 46-nik ukiullip toqunartulimmik nerisimanini toqqutigisimagaa, sinneruttullu sisamat qanorpiaq innersut ilisimaneqanngitsoq.

- Inuit taakku timmissamik nerisimasut tusarparput. Pisortani oqartussatut toqusoqarnera nalunaarsorparput, paasissutissiissutigineqartullu najoqqutaralugit toqusoqarnerani pinerliisoqarsimaneranik pasinarsinnaasoqanngitsoq isumaqarluta, Nuummi politiineersoq Michael Kofoed Sermitsiaq.AG-mut oqarpoq.