Nunap eqqartuussisuunera sivikitsumik napparsimareerluni toquvoq
Nunatta eqqartuussisuunera Søren Søndergård Hansen sivikitsumik napparsimareerluni toquvoq. Nunatta Eqqartuussisuuneqarfia taama nalunaaruteqarpoq.
aggustip 22-at 2017 20:25
- Alianaqisumik nalunaarutigissavara nunap eqqartuussisuunera Søren Søndergård Hansen sivikitsumik napparsimareerluni ippassaq eqqissisoq, Anne-Sophie Abel Lohse, Nunatta Eqqartuussisuuneqarfiani pisortap tullia, tusagassiuutinut nalunaarummi taama ilaatigut allappoq.
- Søren Søndergård Hansen ukiorpassuit ingerlanerini nunatsinni eqqartuussiveqarfimmi annertoqisumik suliniuteqartarsimavoq maqaasineqassaqaarlu, Anne-Sophie Abel Lohse, Søren Søndergård hansenimik eqqaaniaalluni oqarpoq.
Søren Søndergaard Hansen, nersornaammik nuimasumik ridderkorsimik 1. grad af Dannebrogsordenimik 2011-mi saqqarmiulerneqarpoq.
