Nunap assinga Kalaallit Nunaannut tunngasoq

Københavnimi Kongelige Bibliotekimi saqqummersitsinermi Kalaallit Nunaata 1482-imiilli ullumikkumut nunap assiliorneqartarnera takutinneqarpoq. Nunanik ilisimatusartoq Heinrich Johannes Rink nunap assinganik sanasartut tusaamaneqarnerit ilagaat, taannalu 1800-ikkunnili piniartut ikiorsiullugit assiliortarsimavoq. Tassa nunap assinganik sananeq taamaattussaavoq, saqqummersitsinermi aaqqissuisoq Christopher Jacob Ries oqarpoq, tassa nunap assingata nunaminertaq oqaluttuariinnassanngilaa, allalli qanoq isigineraat aamma takuneqarsinnaasussaalluni.
juulip 14-at 2009 12:21

Nunap assingata nuna takutiinnartussaanngilaa, qanorli nuna atorneqarniarnersoq takutittussaallugu, tassa qanoq neriuuteqarfigineqarnersoq qanorlu atugaqarfiusinnaanersoq takutittussaavaa. Nunamik qanoq isiginninnitsinnik aamma takutitsisussaavoq.

Soorlu ataasiinnarmik nunap assiuteqassanngilagut allamik sanillersuussinnaasatsinnik peqartariaqarpugut. Nunat assingi assigiinngitsumik, tassa sumut atorneqarnissaa apeqqutaatillugu, suliaasarput. Nuna pineqartoq pillugu assigiinngitsumik sanaajupput. Ukualu Ring-ip suliarisimasai piniartut nunamik atuinerat aallaavigalugu suliaapput. Nunap assinga Ringip suliarisimasaa uppernartussaavoq Danmarkimilu allaffinni suliaqartut paasisinnaasussaavaat, soorlu piniartup qanoq piniartarneranut tunngasuusariaqanngilaq, nutaaliaassaaq toqqorsimaneqarsinnaasussaallunilu.

Nunap assingata nunap pissusaa oqaluttuarissavaa qanorlu atorneqarsinnaaneranik takutitsissalluni, soorlu qanoq suliffissuaqarnikkut atorneqarsinnaava aamma aatsitassat qallorneqartut suliareqqinnissaanut takutitsisussaalluni.

Ukuali piniartut ikiorsiullugit nunap assiliat soqutigisat allat aallaavigalugit suliaapput, tassa sumi suut piniarneqarsinnaanersut aallaaviunerulluni.

Piniartut Heinrich Johannes Rinkillu nunap assiliaat nittartakkatsinni takuneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq