Nunanit allanit normumik sianerfigineqaruit tigunagu
‘Nalunaarutaasivimmut tikilluarit'.
Nunanit allanit sianerfigineqaruit taama akineqassapput. Kalaallit Nunaanni Politiit tusagassiuutinut nalunaarummi taama kaammattuuteqarput.
Tassa imaappoq sianertoq soqutiginngitsuusaaginnavatit. Aamma nunanit allanit sms-imik linkimik imaqartumik tigusaqaruit taamaaliussasutit, politiit allapput.
- Linkimik ammaareersimaguit imaluunniit sillimaniarnermi eqqugaasimanerlutit nalornissutigigukku politiinut attaveqarsinnaajuaannarputit, politiit tusagassiuutinut nalunaarummi allapput.
Suliaq misissueqqissaarfigineqartoq
Nunanit allanit normunit piffissami matumani sianertoqaqattaarnera sumik pissuteqarnersoq, politiit oqaatigisinnaanngikkallarpaat.
- Kisianni suliaq oqartussat allat attuumassuteqartut peqatigalugit misissorneqarpoq.
SMS-ikkut linkimik nassiussarsiannik ammaasimaguit qanoq iliorsinnaalerlutik uani annerusumik paasisaqarfigisinnaavat.
