Nunani avannarlerni inuusuttunut rap-erluni unammisitsineq

”Rap It Up” nunani avannarliit ataatsimoorlutik suliniutaannut ilaavoq. Suliniummi nunani avannarlerni inuusuttut, Skandinaviami oqaatsit atornissaannut kaammattorlugit attaveqaqatigiilersinneqarusupput nunat akornanni paaseqatigiinnerunissaq anguniarlugu.

Unammisitsinermut peqataarusuttut videoliaminnik nittartakkamut www.rapitup.org –imut nuussisinnaapput. Videolianik naliliisussat ilaatigut tassaassapput rap-ertartoq Per Vers, Danmarkimiit, Johan “Organismen” Hellqvist, Sverigemiit Redramalu Finlandimiit. Unammeqataasuni kikkut ingerlaqqissanersut naliliisussat aalajangissavaat. Ingerlaqqittussat Stockholmimi ukioq manna, septembarip 30-ani finalissapput.

Unamminermi ajugaasoq aningaasannatsinneqassaaq Stockholmimilu immiussisarfimmi pitsaasumi immiussinissamut periarfissinneqassalluni.

Unammineq pillugu paasisaqarnerorusukkuit nittartagaq qulaani allaqqasoq alakkaruk.