NunaMineralsip ukiumoortumik nalunaarusiani saqqummiukkaa
Ingerlatseqatigiiffik siorna 87 millionit koruuninik amigartooruteqarpoq ukiullu naanerani nammineq aningaasaatai 1 million koruunit missaannaaniillutik.
Misissueqqissaarnermut aningaasartuutaasunik immikkut ittumik nalikilliliisoqarsimanera 2013-imut naleqqiullugu annertunerusumik amigartooruteqarnermut nassuiaatissatut ingerlatseqatigiiffimmit oqaatigineqarpoq.
AAMMA ATUARUK NunaMineralsimut piffissaliussaq sivitsoqqinneqartoq
Aammattaaq maajip qaammataani akilersuiunnaarneq aallartimmalli ingerlatseqatigiiffimmik ilusilersueqqinnissaq pillugu aningaasalersuisartut nutaat isumaqatigiinniarfigineqarsimanerat oqaatigineqarpoq. Isumaqatigiinniarnerillu ilautsissaappata ingerlatseqatigiiffiup akuersissutini pigiinnarsinnaassagai, tusagassiorfinnut nalunaarummi atuarneqarsinnaavoq .
Ingerlatseqatigiiffiup akilersuiunnaaqqanera novembarip 30-ata tungaanut piffissalerneqarsimavoq.
