Nunamineralsip qanoq suliffeqarfittut naleqassusia Naalakkerusisunit paaserusunneqarpoq
Aatsitassarsiornermik misissueqqissaartarfiup, NunaMineralsip siunissaa maanna pitsaanerulaalersussaasoq, Naalakkersuisut siulittaasuata, Kim Kielsenip nalunaarutigaa.
Taassuma aamma ilanngullugu nalunaarutigaa, NunaMineralsip aningaasanik ajornartorsiuteqarnerata kinguneranik taanna aningaasanik 4,5 millioner koruuninik Namminersorlutik Oqartussanit qanittukkut tapiiffigineqartup, aningaasat qanoq amerlatigisut siunissami atorfissaqartitsigigaat taamatullu suliffeqarfik qanoq naleqartigisoq, ilisimasalinnit misissuiffigineqassasoq.
Naalakkersuisut siulittaasuata tusagassiutinut nalunaarutaani atuarneqarsinnaavoq, NunaMineralsimik annaassiniarneq aallartinneqartussanngussagunartoq.
- NunaMineralsip siunissaa pillugu siunnerfilimmik suliniartoqalernera nuannaarutissaavoq. Tamannalu toqqammavigalugu suliffeqarfimmik annaassiniarnissap iluatsinneqarnissaa isumalluarfigalugu taamatullu siunissami ukiut amerlasuut suliffeqarfiunissaata qulakkeerneqarnissaa aamma isumalluarfigaara, Naalakkersuisut siulittaasuat, Kim Kielsen tusagassiutinut nalunaarummini allappoq.
Tusagassiutinili nalunaarummi allassimanngilaq aningaastigut NunaMineral ikiorerneqassanersoq.