Nunaminerals piffissaqarnerorusuppoq
Tassami aatsitassarsiornermi misissueqqissaartartut taakku - ilaatigut Namminersorlutik Oqartussanit piginneqataaffigineqartut maannalu akilersuinerminnik unitsitsisimasut - naatsorsuutiminnik tunniussinissamut sapaatit akunnerinik arfineq pingasunik sivitsuerusupput.
Aamma atuaruk Kisitsisit NunaMineralsip akiliisinnaajunnaaneranut tunngasut saqqummiunneqarput
Pilersaarutit naapertorlugit Nunaminerals naatsorsuutiminik ukiormanna juunip 29-anni tunniussisussaagaluarpoq - tassa ataasinngorpat.
Suliffeqarfiulli ukiumoortumik nalunaarusiamik aggustip 24-anni tunniunneqarnissaa kissaatigaa, - tassa suliffeqarfik akiliisinnaajunnaartutut nalunaarutigineqassanngippat, Nunaminerals aningaasanik niuffaffimmut nalunaarummini allappoq.