Nunaminerals pisortartaarpoq
Nunaminerals, suli akiligassaminik unitsitseqqasoq, ullumikkut nutaanik pisortartaarpoq. Suliffeqarfik tusagassiutinut nalunaarummini taamak paasissutissiivoq.
Allattoq Inge S. Rasmussen
februaarip 01-at 2016 14:30
Ullumikkut februaarip aallaqqaataanit Ross Iannellomik pisortaalerpoq (CEO). Taamaalillunilu Ole Christiansen, pisortatut 1999-imili sulisimalluni tunuartoq taarserpaa.
Nunamineralsip ilanngullugu oqaatigaa, siulersuisunut ilaasortap David Winduss'ip aningaasaqarnermut pisortatut atorfik - aamma CFO-mik taaneqartoq - nutaamik aningaasaqarnermut pisortartaarnissap tungaanut isumagissagaa.
Taakkulu saniatigut Nunamineralsip siulersuisui inissitsiteqqipput, Chris Williamsilu maanna siulittaasunngorpoq.
