NunaMinerals akiliisinnaajunnaaratarsinnaavoq

NunaMinerals aningaasatigut assut ajornartorsiorpoq. Ima ajornartorsiortigaluni, allaat siulersuisuisut nalornissutigalugu, aaqqiissutaasinnaasumik piginneqatigiiffiup piujuaannarnissaanik qulakkeerinnittumik nassaarsinnaanertik qularalugu.
Allattoq Erna Lynge, Laura Aggernæs
februaarip 22-at 2015 14:57

 

NunaMineral tusagassiutinut nalunaarummini ilaatigut taama allapput. Aammali allallutik piginneqatigiiffiup pisortaa, sulisui siulersuisullu misileeqqinnissaminnik kissaateqartut.

 

Namminersorlutik Oqartussanit maannakkorpiaq 4,5 millioner koruuninik NunaMinerals attartugaqarput, taakku januaarip 31-ianni 2015-imi akilerneqareersimasussaagaluarlutik.

 

Akiitsulli taakku akilerneqarnissaat nalorninartoq, NunaMinerals allappoq aamma allallutik suliffeqarfiup ingerlaannarnissaa qularalugu.

 

NunaMineralsili ingerlaannassappat, aningaasaliisinnaasunik piaartumik nassaartoqartariaqarpoq taamaanngippammi tassa suliffeqarfik akiliissinnaajunnaartussaavoq. Ullunili tulliuttunit qanoq pisoqassanersoq apeqqutaaginnalersoq, NunaMinerals allapoq.

 

NunaMineralsi paasissutissanik sukumiinerusunik sapaatip akunnerata tullia aallartippat saqqummiiumaarlutik, tusagassiutinut nalunaarumminnni aamma allapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq