Nukissiorfiit pisortaanerat ingerlaannartumik pisortaajunnaartoq
Nukissiorfinni pisortaaneq, Michael Pedersen ataasinngornermi isumaqatigiissuteqarnikkut soraartoq, Naalakkersuisut nalunaarutigaat.
Nukissiorfinni pisortaanerup, Michael Pedersenip aamma Naalakkersuisut akunnerminni isumaqatigiissutigaat Michael Pedersen septemberip ulluisa 30-anni ataasinngornermi Nukissiorfinni pisortaanertut soraassasoq.
AAMMA ATUARUK Nukissiorfiit Uummannami imeq pillugu nalunaarutitik tunuartikkaat
Sooraarnermut atatillugu isumaqatigiissutip sukumiisortai erseqqinnerusut isertuussassaasut aamma nalunaarutigineqarpoq.
Aningaasaqarnermut pisortaq Claus Andersen-Aagaard, Nukissiorfinni pisortaanertut atorfimmiikkallassasoq, Naalakkersuisut nalunaarutigaat.
Michael Pedersen Nukissiorfinni 2014-imi pisortaaninngorallarpoq, 2015-imilu pisortaanertut atorfilinnilu.
AAMMA ATUARUK Uummannami imeqarfik minguerukkaluartoq kuuffimmit suli imertoqarsinnaanngilaq
Uummaannami imeqarniarneq pillugu Nukissiorfiit septembarip 20-anni paasivaat imeq uuliaqartoq tamatumalu malitsigisaanik imermik misissuinerit aallartinneqarlutik.
Tassa imeq uuliamik mingutsinneqarsimammat imeq imeqqussaanngitsoq Nukissiorfinnit nalunaarutigineqarpoq.
Uummannami imermik pilersuinerup ammaateqqinnissaanut - Nukissiorfiit avatangiisinut oqartussaasunit akuersissummik sapaammi pissarsipput.
Nukissiorfiilli ataasinngornermi kingumut nalunaarutigaat imeqarfiup akuerineqarnera tunuartinneqartoq, taamaalilluni Uummannami qaammatip affangajaanik imeqarniarnikkut ajornartorsiortoqarluni.
