Nukissiorfiit kiffartuussinerat pillugu atuisut aperineqarput

Nukissiorfiit kiffartuussinerat atuisunit amerlanerpaanit naammagisimaarneqarpoq, naammagisimaarinninnginnerpaaffiuvorlu Nuuk. Atuisut misissuiffigineqarneranni saqqummeqqammersumi tamanna atuarneqarsinnaavoq.
januaarip 19-at 2010 08:28

Upernavimmi atuisartut Nukissiorfinnut attaveqartarnerat annerpaajusoq misissuinerup taamaalilluni takussuserpaa. Paarlattuanik Nuummi atuisut Nukissiorfinnut attaveqannginnerpaasarput. Ataatsimut isigalugu Nukissiorfinni sulisunik inuit nunaqarfinni najugallit illoqarfinni najugalinnut sanilliullugit attaveqarnerpaasarput.

Nukissiorfiit attaveqarfigiuminartuunersut pillugit apeqqummut atatillugu Nuummi atuisut aamma naliliinermik ajornerpaamik tunniussisimapput.

- Atuisutsinnut attaveqartarnitta pitsanngorsarnissaa kiffartuussisarnittalu pitsanngorsarnissaa kissaatigigatsigu atuisut naammagisimaarinninnerat pillugu misissuineq ingerlassimavarput, Nukissiorfiit ilisimatitsipput.

HS Analyse suleqatigalugu misissuisoqarpoq, atuisullu 670-it oqarasuaatikkut oqaloqatigineqarnerat ikiorsiullugu ingerlanneqarsimalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq