Nukissiorfiit Innaarsunni innaallagiaqartitsiinnarnissamut piareersimasut
Nunaqarfiup nukissiorfia upalungaarsimasut eqqugaasinnaasutut nalunaaqutsigaanni, innuttaasunillu qimaqqaneqaqquneqartumiippoq. Nukissiorfilli ingerlaannartoq, Nukissiorfiit paasissutissiipput.
- Nukissiorfik tassaaratarsinnaanerani eqqugaasinnaammat Innaarsunni sulisugut nukissiorfiup inissisimaffigisaaneeqquneqanngillat. Nukissiorfiilli innaallagissiorfia ungasianiit aqunneqarsinnaavoq. Taamaammat nunaqarfimmi innaallagiaqarneq piffissami matumani tamakkiisumik ingerlavoq, Nukissiorfiit KNR-imut allapput.
AAMMA ATUARUK Innaarsunni iluliap malissuaartitsisinnaanera ernumanartoq
AAMMA ATUARUK Innaarsuit eqqaanni pisoq qanimut malinnaaffigaarput
Tassaarnerata nunaqarfik eqqussagaluaruniuk innaallagissiorfillu sequmillu taava pilersaarummik piareersimasoqarpoq.
- Nukissiorfiit innaallagissiorfia sequminneqarluni atorsinnaajunnaassaluarpat Nukissiorfiit Qaarsunni Upernavimmilu sillimataateqarpoq, taannalu nunaqarfimmut timmisartuunneqanngikkuni umiatsiamik angallanneqarsinnaavoq.
Imeqarfimmut aamma sillimatissaqarpoq, imeqarfiulli inissisimaffia aarlerinarnerunngitsumiippoq.
- Nukissiorfiit imeqarfia aarlerinanngitsumiikkallarpoq, aseroraluarunili atorsinnaajunnaarni taava Nukissiorfiit atortorissaarummik Uummannamiit assartuisinnaavoq.
AAMMA ATUARUK Politiit immap ulinnissaa anorlernissaalu neriuuteqarfigaat