Politiit: Innaarsuit eqqaanni pisoq qanimut malinnaaffigaarput
Nunatsinni politiit nunaqarfimmi Innaarsunni pisoq malinnaaffigeqqissaarlugu, tusagassiuutinut nalunaarummi allappaat.
Allattoq Kenneth Elkjær
juulip 12-at 2018 17:38
Nunaqarfimmi innuttaasut 150-it iluliarsuaq nunaqarfimmut aarlerinartumik tassaartitsisinnaasoq qanimut isiginnaavaat. Taamaammat innuttaasut alaatsinaannissaat politiit kaammattuutigaat.
- Iluliarlu aserulissagaluarpat innuttaasut qatsinnerusumukarnissaat politiit kaammattuutigaat, taamaattoqarpammi tassaangaatsiarsinnaavoq, Gideon Quist tusagassiuutinut nalunaarummi allappoq.
Tamatuma saniatigut innuttaasut umiatsiatik malinnit eqqugaasinnaammata isumannaatsumiinnissaat qulakkiissagaat, politiit kaammattuutigaat. Politiit Avannaata Kommuniani annaassiniarnissamut upalungaarsimasut qanimut suleqatigalugit ilisimatitsissutigaat.
AAMMA ATUARUK Innaarsunni iluliap malissuaartitsisinnaanera ernumanartoq
