Nukappiaraq 16-inik ukiulik Nuummi Qinngutsinni ajunaarpoq
![Aquttua 54-inik ukiulik nassuiaaneermini oqarpoq festeriarami taakku nassarlugit. Taamali nassuiaanera politiinit upperineqarani.](/sites/default/files/styles/image_934x467/public/article_images/274467367_5559791090703556_8524294794559809869_n.jpg?itok=bp_Ll8HZ)
Ajutoortoqarsimaneranik politiit nalunaarfigineqarput ualeq manna nalunaaqutaq 13.34. Tamatumalu kinguninngua politit ajutoorfimmut apuuttut, politiit pingaartuisa ittuat, Gedion Qvist KNR-imut oqaluttuarpoq.
Nukappiaraq sikkilinik batteritortunik ingerlaartilluni ajunaarsimasoq politiinik uppernarsarneqarpoq. Allanik ajutoortoqarsimanngitsoq politiit aamma oqaatigalugu.
- Pisoq pillugu misissuileruttorpugut. Napparsimmaveqarfimmit ajutoorneq pillugu nalunaarfigineqarpugut. Tamatumalu kingorna nukappiaqqap angajoqqaavi nalunaarfigaagut, Gedion Qvist oqarpoq.
Pisoq pillugu politiit paasisaqarnerugunik tamanna nalunaarutigiumaarlugu aamma oqaatigalugu.