Politiit ullormut nalunaarutaat: Nukappiaqqat marluk Sisimiuni Pisiffimmut tillinniat tigusarineqarput

Nukappiaqqat marluk arpallutik Sisimiuni Pisiffimmiit anisut sisamanngornermut unnuaani takuneqarput. Nukappiaqqat taakkua 18-iliisimanngitsuusut tamatuma kingunitsiannguagut tigusarineqartut, Kalaallit Nunaanni Politiit ilisimatitsipput.

Allattoq Nicole Sander Bertelsen

oktobarip 25-at 2024 09:04

Nutserisoq Hanne Petersen

Inuit marluk arpallutik Sisimiuni Pisiffimmiit sisamanngornermut unnuaani pingasunut qiteqqunnerata missaani ingerlasut takuneqarput. Kalaallit Nunaanni Politiit pigaartuisa pisortaat Malik Olesen tallimanngornermi ullaakkut taama ilisimatitsivoq.

- Arpallutik Pisiffimmiit anisut takuneqarput, politiinilli malersorneqatsiareerlutik marluullutik tigusarineqarput, Malik Olesen oqarpoq.

Taamaammat politiinit unnuaq tigummigallarneqartut ullaaq mannali iperagaasut, politiit pigaartuisa pisortaat aamma oqarpoq.

Aamma atuaruk Politiit ullormut nalunaarutaat: Nuummi Qinngorpumi Brugseni tillinniarfigineqaqqippoq

- Politiit imigassanik aalakooornartulinnik nukappiaqqat taakkua tigusarineqarfiata ungasinngisaani nassaarput, taakkkualu Pisiffimmut soorunami utertinneqassapput, Malik Olesen oqarpoq.

Nukappiaqqat taakkua 15-iliisimasuusut, politiit pigaartuisa pisortaat oqarpoq. Tassa tillinniarsimasutut pasineqarlutik unnerluutigineqassappata, tamanna tillinniarsimasutut eqqartuussallutik pineqaatissinneqarsimasunut inissiisarfimmiittussanngortinneqarataannaapput.

Allami siusinnerusukkut aamma tillinniartoqartoq

Illoqarfimmi allami sapaatit akunneranni matumani siusinnerusukkut aamma tillinniartoqarpoq. Tassa Nuummi Qinngorpumi Brugseni tillinniartigineqaqattaareeerluni marlunngornermut unnuaani tillinniarfigineqaqqippoq.

Politiit tillinniat taakkua pisiniarfimmut tassunga kingullertigut aamma tillinniaqattaartuusimassangatippaat, nassaarinissaannulli ilisimannittussarsiorput innuttaasut ikiortiserinerisigut.

Nutaarsiassami kukkunermik nassaarsimaguit uunga allaffigineqarsinnaavugut.