Politiit ullormut nalunaarutaat: Nuummi Qinngorpumi Brugseni tillinniarfigineqaqqippoq

Nuummi politiit Qinngorpumi Brugsenimi tillinniartoqarneranik marlunngornermut unnuaani nalunaarfigineqaramik tassungalertorput. Qinngorpumilu Brugseni kingullertigut aatsaat tillinniarfigineqalinngilaq.

Allattoq Nicole Sander Bertelsen

oktobarip 22-at 2024 08:38

Nutserisoq Hanne Petersen

Nuummi Qinngorpumi Brugseni kingullertigut tillinniarfigineqaqqattaartoq marlunngornermut unnuaani tillinniarfigineqaqqippoq.

Sikaritsit tupallu pisiniarfimmut tassunga marlunngornermut unnuaani marluk missaanni tillinniat tillitaannut ilaapput. Tillinniat kiunersut ilisimaneqanngilaq

- Kingullertigut tillinniartoqarneranik suliani misissuivugut, taamaammat aatsaat nalunaarutigaavut, Kalaallit Nunaanni Politiit pigaartuisa pisortaat Jeppe Andsager oqarpoq.

Tillinniat taakkua pisiniarfiup igalaava tunuatigullu isaariaa aserorlugit isersimasut, taanna aamma oqarpoq.

Aamma atuaruk Politiit ullormut nalunaarutaat: Inuit marluk ajunaartut nassaarineqartut

Tillinniat taakkua pisinniarfimmut tassunga kingullertigut aamma tillinniaqattaartuusimanissaat politiit ilimagaat, taakkualu nassaarinissaannut innuttaasut maanna ikiortiseraat.

- Pisuni taakkunani ilisimannittoqarpat takunnittoqarsimappalluunniit uagutsinnut attaveqaqqunaqaat, Jeppe Andsager oqarpoq.

Marlunngornermut unnuaani pisoq eqqaassanngikkaanni allamik pisoqangaaarsimanngitsoq, taanna aamma oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.