Nukâka Coster-Waldau Vild med dansimi peqataalersoq
49-nik ukiullip, Nukâka Coster-Waldaup kamini qitissutit TV2-p tv-kkut aliikkutassiatut isiginnaagassiarisartagaanut Vild med dansimut peqataanissaminut qaqittussanngorpai.
Danskit tusagassiorfiat, TV2 taama allaaserisaqarpoq.
- Valsimik tangomilluunniit qitillunga imminut takunissara takorluuginnarlugu maanna tissittattarpunga, pissutigalugu uannut suli allanartuummat. Kisianni qilanaarluinnarpunga, Nukâka Coster-Waldau TV2-mut oqarpoq.
Taassuma uinilu, Nikolaj Coster-Waldau-ilu katikkamik illugiilluni kingullermik qitissimalluni oqaluttuaraa.
- Peqataarusunnerluni aperineqaraanni eqqarsarnarpoq "merserinngilara?" Kisianni piffissat ilaanni imminut unammillertoqartassaaq, Nukâka Coster-Waldau TV2-mut oqarpoq.
Nukâka Coster-Waldau Danmarkimi isiginnaartitsisunngorniarfimmi, Statens Teaterskolemi isiginnaartitsisartutut ilinniarsimavoq.
Isiginnaartitsisartoq ukioq manna siusinnerusukkut aallakaatinneqartumi DR1-ip pissanganartulersaarusiaani nangeqattaartumi "Tynd Is"-imi peqataavoq.
Nukâka Coster-Waldau nunatsinni inunngorpoq, 20-nilli ukioqarlunili Danmarkimi najugaqalerluni. Isiginnaartitsisartoq isiginnaartitsisartorlu Nikolaj Coster-Waldauilu katisimapput. Aappariit ukiuni 23-ni katisimapput marlunnillu paneqarlutik.