Sara Olsvig suliffittaani: Nuannaaqaanga pissangallungalu

Unicef nunatsinni siullermeerluni allaffeqalerpoq, Sara Olsvigilu tassani pisortanngorpoq.

Unicef tassaavoq Naalagaaffiit peqatigiit meeqqanut suliniaqatigiiffiat, tassani meeqqat inuuniarnermikku Ilasassaq, ataaniippoq qallunaatuua ilanngutilaagassaq.

tassanilu politikkikkut ilisimalluagarput Sara Olsvig allaffimmi Nuummi atorfeqalerpoq. 

Unicef nunatsinni allaffittaarnera Sara Olsvigip ima eqqaavaa:

- Kalaallit Nunaanni allaffittaarnermi aamma peqqutaaqataavoq allanik aamma suliaqarusulersimagamik UNICEF-kkormiut, taamaalillutalu allanik aamma suleqatissarsiorsinnaanngorluta maani allaffeqalernikkut, taannalu suliaq siuttuuffigissavara aamma qilanaarisorujussuuara.

Sara Olsvigip suliassani ima tunngavilersorpai:

- UNICEF Kalaallit Nunaanni suliaqareerpoq, Namminersorlutik Oqartussat UNICEF-lu suleqatigiiffigivaat NAKUUSA, ullut tamaasa paasititsiniaaneq ingerlavoq tassani, NAKUUSA-lu ingerlateqqissavarput.

Sara Olsvigillu suliassani ilisimalluarpai, tassami siornatigut inuit pisinnaatsitaaffii pillugit suliaqareersimavoq maannalu nunnaarluni atorfini ima oqaatigaa:

-Tassa pissangagivara aamma nuannaarutigaara, politikerinngunnginninni inuit pisinnaatitaaffii annertuummik suliaqarfiginikuugakkit, taamaammat taakkua uterfigilaassallugit aammalu inuit pisinnaatitaaffii meeqqallu pisinnaatitaaffii uterfigeqqissallugit assut qilanaaraara.

Allaffik ataasinngormat Februaarip ulluisa 18-ani ammarneqarpoq.