Norsaq suli timmisartuussisinnaanngitsoq
Timmisartorsuaq Norsaq sapaatip akunnerata naanerani atortutigut ajutoormat timmisartuussisinnaajunnaarpoq. Ajornartorsiut pilersaarutit malillugit sisamanngormat aaqqereerneqartussaagaluarpoq, ilaasussallu Københavnimut Københavnimiillu timmisartuuttussaagaluarlugit.
Pilersaarulli piariinngitsoortoq, Air Greenland tusagassiuutinut allappoq.
Air Greenlandilli timmisartut nutaat marluk angallassinermut atorneqartussanngorlugit attartorpai. Taamaalilluni ilaasussat Købehavnimiit nunatsinnukartussat 200-it missaanniittut sisamanngornermi timmisartuunneqarsinnaassapput. Nunatsinniilli Københavniliartussat suli utaqqeqqilaarnissartik piareersimaffigisariaqassavaat.
AAMMA ATUARUK Air Greenlandip timmisartorsua atortutigut akornuteqartoq
Københavniliartumut ilaasussat aatsaat arfininngorpat ullaakkut timmisartuunneqarumaartut, timmisartortitseqatigiiffik aammapaasissutissiivoq.
- Tamanna naammaginanngilluinnarpoq. Nunatta iluani avammullu timmisartuussinissatsinni ullut tallimassaatkinguaattoortoqarpoq. Angallavissanut nutaamik pilersaarusiorluta ulapputtorujussuuvugut, ilaaffissanut allannguinerit taamaalillunilu angalanissamut pilersaarutigut nutaat ilaasussatsinnut nassiunneqarsinnaaniassammata, attaveqaqatigiinnermut pisortaq Katrine Hjelholt Nathanielsen oqarpoq.
Norsap kinguaattuungaatsiaqqanera nunatta iluani timmisartuussinerit kinguaattoornissaannik kinguneqartitsivoq, aallarfissallu ilaat kinguartinneqartariaqassallutik.
