Air Greenlandip timmisartorsua atortutigut akornuteqartoq
Air Greenlandip timmisartorsua airbus Norsaq sapaatiummalli atortutigut ajoquteqalersimavoq.
Allattoq Inge S. Rasmussen
Nutserisoq Erna Lynge
Timmisartorsuaq aqagumut piareeqqikkumaartoq naatsorsuutigalugu Air Greenland KNR-imut nalunaarpoq.
Timmisartortitseqatigiit naapertorlugit ulluni kingullerni angasussat tamarmik angalanissartik pillugu nutartikkanik nalunaarfigineqarsimapput.
Allanngortiterinerit pillugit atuisartut eqqorneqarnerlussimasinnaasut Air Greenlandip ajuusaarfigai. Arlaannillu apeqqutissaqaraanni Air Greenlandip Call Centeria normumi 70 12 12-mi attavigineqarsinnaavoq.