Norgemi naalakkersuisunngortut ikinnerussuteqartut
Fremskrittspartiimeersut, (FrP) naalakkersuisooqataajunnaarmata, nutaanik naalakkersuisunngortitsisoqarpoq, ministerillu 20-t toqqarneqarlutik.
Arnaq marlunnik qitornalik Syriami qimaasut kateriffianniit Norgemut angerlartinneqareersullu saqitsaassutaalerpoq, Fremskrittspartiilu naalakkersuisooqataajunnaarluni.
Arnarmi parkistanimit kingoqqisoq Norgemukartinneqartoq peqqarniisaarnianut Islamisk Statinut illersuisuusimavoq.
AAMMA ATUARUK Norgemi partii Fremskrittspartiet Norgemi naalakkersuisoqatigiinnit anisoq
Ikinnerussuteqarlutik naalakkersiuisooqatigiilersut tassapput: Konservatiivit partiiat, Høyre, Venstret aamma Kristelig Folkepartii (KrF).
Nutaanik naalakkersuisunngortitsinermi Høyre aqqaneq-marlunnik naalakkersuisuutitaqarlerpoq, massa Venstre aamma Kristelig Folkepartii immikkut tamarmik sisamanik naalakkersuisuutitaqalersut.
Naalakkersuisunngortitani 20-iusuni 13-it politikeriupput siornatigut naalakkersuisuusimasut.
Fremskrittspartiimi siulittaasoq, Siv Jensen, parteeqatinilu illussaarsuarmiit tunuatigoortarfikkoorlutik anipput.
Fremskrittspartii arfineq-marlunnik Erna Solberg siulittaasoralugu naalakkersuisuusimasuni atorunnaarsinneqaqqammertuni naalakkersuisuutitaqarsimavoq.