Norgemi eqqaaniaaneq KNR TV-kkut aallakaatinneqarpoq

Nalunaaqutaq qulinut eqqaaniaaneq aallartissaaq, tamannalu KNR-TV-kkut toqqaannartumik aallakaatinneqassalluni. Københavnimi naalagiaqatigiinneq Vor Frue Kirke-miit aallakaatinneqassaaq.

Kunngikkormiut, politikerit aammalu Norgep aallartitaqarfiannit peqataatitat naalagiarnermi peqataasussaapput. Ministeriuneq Lars Løkke Rasmussen eqqaaniaalluni oqalugiassaaq.

Qallunaat norskillu nipilersortartut Danmarkimut attuumassutillit naalagiarnerup nalaani nipilersussapput. Ilaatigut nipilersorneqassalluni norskit sorsunnermut akerliunermi erinniaq "Kringsatt af Fiender", taannalu naalagianit tamanit igiorneqassaaq.

Eqqaaniaallunui naalagiarneq toqqaannartumik KNR-TV-kkut aallakaatinneqassaaq. Maannakkorpiarlu eqqaaniaannginnermi TV aallakaatitsilereerpoq.

Eqqaaniaaneq ullumi pisortatigoortumik ullugitinneqarpoq, taamaalilluni Danmarkimi, Nunatsinni Skandinaviamilu tamarmi pisortaqarfiit erfalasui qiteqqusimassallutik. Taama nalunaaruteqarput danskit inatsisinik atuutsitsinermi ministereqarfia.