Norgemi coronamut akiuussusersuinissamut AstraZeneca atorneqassanngitsoq

Norgemi naalakkersuisut Norgemi coronamut akiuussusiinissamut periusissiaq pillugu ullumi pingasunngornermi nalunaaqqutaq arfinernut tusagassiortunik katersortitsissaaq.
Nunatsinni Pfizer/Biontechimiit Modernamiillu coronamut akiuussusersuinermut atorneqarput. Assi © : Johan Nilsson/TT/Ritzau Scanpix
Allattoq Ritzau
maajip 12-at 2021 10:19
Nutserisoq Marie Kûitse Kristensen, Naja-Vivi Mikaelsen

Coronamut akiuussutissaq AstraZenecameersoq Norgemi akiuussutissiatut atorunnaarneqarpoq.

Norskit aviisiat, VG, taama nalunaaruteqarpoq.

Norgemi akiuussusersuinissamut pilersaarut ullumi pingasunngornermi tusagassiuutitigut saqqummiunneqalerpat tamanna paasissutissiissutigineqassaaq.

AAMMA ATUARUK Norge AstraZenecap akiuussutissaliaanik Sverigemut Islandimullu atukkiussisoq

Norskit peqqissutsimut aqutsisoqarfianiit, Folkehelseinstituttimiit (FHI), AstraZenecap atorneqarunnaarnissaa innersuussutigineqarpoq.

Akiuussutissat AstraZenecameersut Johnson & Johnsonimeersullu perulussutaasinnaanerat peqqutigalugu atorunnaarneqartut, FHI ataasinngornermi taama allappoq.

Nunatsinni Pfizer/Biontechimiit Modernamiillu coronamut akiuussusersuinermut atorneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq