Norge AstraZenecap akiuussutissaliaanik Sverigemut Islandimullu atukkiussisoq

Norge covid-19-imut akiuussutissanik AstraZenecameersunik 200.000-init amerlanerusunik Sverigemut Islandimullu atukkiussisoq, Oslo-mi peqqissutsimut naalakkersuisoqarfik paasissutissiivoq.

Norgep akiuussutissat toqqorsivimmiituutigisani tamaasa atukkiuppai.

- Akiuussutissat quersuarmi toqqortaasivitsinniittut iluaqutaanialernerat nuannaarutigaara, aamma akiuussutissaq AstraZenecameersoq Norgemi atorunnaarallarnikuugaluarlutigu, norskit peqqissutsimut ministeriat Bent Høie tusagassiuutinut taama nalunaartoq Ritzau allappoq.

AAMMA ATUARUK Nakorsaaneq: Tusatsiakkanik eqqunngitsunik siammarteriunnaarlusi

Akiuussutissat AstraZenecameersut Norgemi atorfissaqartinneqalissappata uterteqquneqassasut, Bent Høie oqarpoq.

AstraZenecap akiuussutissaliaa kingunerluutaasartut ernumagalugit Danmarkimi atorneqarunnaarpoq. Nassuiaruminaatsumik taqqakkut milittoorutaasinaaneeranik ernumateqarneq peqqutaavoq.

AstraZenecap akiuussutissaliaa nunatsinni atorneqarnikuunngilaq.