- Suna tamarmi pissusissamisut ingerlavoq. Pfizerimit Modernamiillu akiuussutissat kisiisa atorpagut. Akiuussutissaq taqqatigut milittoorutaasutut pasitsaanneqartoq nunatsinni atugaanngilluinnarpoq, nakorsaaneq oqarpoq. Assi: KNR / Malik Brøns

Nakorsaaneq: Tusatsiakkanik eqqunngitsunik siammarteriunnaarlusi

- Akiuussutissamik kapitinnerup kingunerisaanik toqusoqarneraanermi ingerlaartinneqartumi eqqortoqanngilaq, nakorsaaneq, Henrik L. Hansen oqarpoq.

Coronamut akiuussutissamik kapitinnerup kingunerani taqqamik milittoorneq toqunerlu.

Tusatsiakkat Facebookikkut siammarterneqarput – nakorsaanerullu, Henrik L. Hansenip tamanna naammatsiffigalugulu qatsulluinnarpaa.

- Akiuussutissamik kapitinnerup kingunerisaanik toqusoqarneraanermi ingerlaartinneqartumi eqqortoqanngilaq, nakorsaaneq, Henrik L. Hansen oqarpoq.

- Suna tamarmi pissusissamisut ingerlavoq. Pfizerimit Modernamiillu akiuussutissat kisiisa atorpagut. Akiuussutissaq taqqatigut milittoorutaasutut pasitsaanneqartoq nunatsinni atugaanngilluinnarpoq.

Akiuussutissaq taqqatigut milittoortitsisutut pasitsaanneqartoq AstraZenecameersuuvoq.

Nakorsaaneq: Ikippallaat akiuussuserneqarput

Akiuussutissaq AstraZenecameersoq Danmarkimi nunanilu allani amerlasuuni atorneqarnikuuvoq, Danmarkili Europami nunanit siulliulluni akiuussutissamik taassuminnga atuiunnaarpoq.

Nutaarsiassat eqqunngitsut pissutigalugu ikinnerusut akiuussutissamik kapitinnersut ilisimaneqanngilaq. Nakorsaanerulli oqarnera naapertorlugu nunatsinni Pfizerimit Modernamiilluunniit akiuussutissamik kapitittut ikippallaarnerat ajornartorsiutaavoq.

Kangerlussuarmi nunatsinnukartunut isaavittut atorneqartumi sapaatip akunnerani akiuussutissamik kapuisoqarpoq. Tassanilu 16-ileereersimasut tamarmik Covid-19-imut akiuussutissamik neqeroorfigineqarput.

AAMMA ATUARUK Nakorsaaneq ernumasoq: Kangerlussuarmi kapuisoqarnerani inuusuttut affaannaat akuersisut

Nakorsaanertulli kikkut tamarmik akiuussutissamik kapitinnissaat kissaatigigaanni kisitsisit kusananngillat. 50-init 60-inut ukiullit akornanni 71 procentiinnaat kapitipput.

Innuttaasuni inuusunnerusuni tamanna pitsaanerunngilaq. Inuusuttuni 20-nit 30-nut ukiullit affaannaat akiuussuserneqarput.

- Sumiiffinni assigiinngitsuni annikinnerusunik nappaalasoqaleraluarpat akiuussuserneqarsimasut ikippallaarujussuarput, Henrik L. Hansen KNR-imut sapaatip akunnerata siuliani oqarpoq.

- Akiuussuserneqarnissaq pingaaruteqarpoq. Piffissammi ingerlanerani nunatsinni tunillatsissimasoqaqqilissaaq. Akiuussuserneqanngikkaannilu napparsimangaatsialernissaq toqqutigisinnaaneralu aarlerinartuussaaq, nakorsaaneq oqarpoq.

- Taamaammat paasissutissat eqqortut atuarnissaat pingaaruteqarpoq. Taakkulu nun.gl-imi atuarneqarsinnaapput.

Tunumi akiuussutissalersuinissaq

Tunumi inuit coronamut akiuussutissamik siullermeertumik aqagu kapitissinnaapput.

Ittoqqortoormiini siullermik kapuisoqassaaq.

Sapaatip akunnerani matumani siulianilu nunatta kujataata nunaqarfiini aamma Narsami, Nanortalimmi Arsummilu aamma kapuisoqarpoq.

Qeqertarsuarmi Qasigiannguanilu sapaatip akunnerata tulliani kapuisoqassaaq.

AAMMA ATUARUK Coronamut Tunumi akiuussutissalersuisoqalertoq

Tasiilami apriilip maajillu ingerlanerani aamma kapuisoqassaaq – kapuutillu imassaannik naammattunik nunatsinnut nassiussisoqassappat Qaanaami innuttaasut aamma akiuussutissamik kapitissasut Nakorsaaneqarfiup oqaatigaa.

Nunatta sinnerani aasap ingerlanerani akiuussutissamik kapuisoqassaaq – akiuussutissamillu kapitikkusuttut tamarmik aggustimi kapitereersinnaanissaat, nakorsaanerup, Henrik L. Hansenip nalilerpaa.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 23.102
  Tunillanneqarsimasut
31
  Peqqisseqqittutut nalunaarutigineqartut 31
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: Nunatsinni Nakorsaaneqarfik
  Nutarterneqarnera:
  maajip 1-at 2021 nal. 10:45