Norgemi angerlarsimaffippassuit anorersuarnerata kingunerisaanik innaallaagiaaruttut

Norgemi angerlarsimaffippassuit anorersuarnerata kingunerisaanik innaallaagiaarupput.

Nunap immikkoortuani Trøndelagimi inissiat 9000-t innaallagiaarussimapput, illoqarfissuaq Trondheim Trøndelagimiippoq.

Norgemi nutaarsiassaqartitsivik NRK taama allappoq.

Trøndelagimi anorersuarnerani sakkortunerpaammat anori sekundimut 51,5 meteritut sakkortutigaaq, agguaqatigiissillugulu sekundimut 39,5 meteritut sakkortutigaluni.

Tassa Trøndelagimi kujasissuanilu Nordlandimi anoraasuarsuartut sakkortutigisumik anorersuarpoq.

Innaallagiaaruttoqarnerata saniatigut illoqarfimmi Bodømi atuarfiit sisamanngornermi matoqqatinneqartut, Norgemi nutaarsiassaqartitsivik NTB allappoq.

- Meeqqat inuusuttullu isumannaatsuunissaat pillugu atuarfiit matoqqatinneqarput, meeqqeriviilli ammatinneqarput, oqartussat allapput.

Illoqarfeeqqami Rørvikimi illut ilaat aseruatitertut, NTB allappoq.

- Innuttaasut isersimaannarnissaat kaammattuutigaarput, politiit oqarput.

Illut qaliaasa ilaat tamaani aamma aseruatiterput.