OL Nordkoreap illersuisartui maluginiarneqarluartut
Korea Avannarliup isiginnaartunik qiimmassaasui, "Pinnersut Sakkutuui"-nik taaneqartartut, erinarsortut tusaareerpagut.
Korea Avannarliup Kujalliullu arnartai hockeymik unammisartui sverigemut unammineranni qiimmassaasut ataatsikkut erinarsorlutillu assigiinngitsunik pissusilersorput.
Naak Korea Sverigemut Hockeymik pikkorinneroqisumut ajorsaraluartoq, qiimmassaasut tunniutiinnanngillat:
"Assut, assut, qaa unammisartugut, assut" arnat 230-it ataatsikkut nilliapput.
AAMMA ATUARUK DR-ikkut malinnaavigiuk
Taakku aappaluttunik qaqortunillu assigiinnik atisaqarput. Taakkunani qiimmassaasuussagaanni aalajangersimasumik isikkoqartariaqarpoq, soorlu assersuutigalugu angeqqatigiilluni nerinnassuserlu aalajangersimasuussalluni.
Korea Avannarliup aquttuata Kim Jong-unip nuannarineqalerniarneq anguniarlugu qiimmassaasut aallartissimavai, tamannalu iluatsilluarpasissorineqarpoq.
Aquttup, nuliani Ri Sol-ju ukiualuit matuma siorna taakkunani nuimasumik qiimmassaaqataasarnikuummat, nammineq immikkut nuannarilluarai, Politiken allappoq.
The Guardianip, tuluit nutaarsiassaqartitsivigisaata, videoliaa ataani takuuk :