Nivissat NÛK-meersut futsalimi pissartanngorput

Nivissat U-18-it futsalimi GM-qarneranni iligiit tallimat peqataapput avataaniit I-69 Ilulissaneersoq peqataasutuaalluni sinneri Nuummeersuusut.

Akiniaasoqarpoq NÛK hold 2 aamma I-69 sapaammi ualikkut Nuummi illorsuarmi timersortarfimmi finalermata. Unamminerni aallarniutaasuni I-69 NÛK hold 2-mut ajugaavoq. Inuit 1.000-nit amerlanerust malinnaapput Kalaallit arsaattartut kattuffiat KAK facebookimi live-rtitsimmat. Unamminerit allat aamma live-rneqarput.

NÛK hold 2 aamma I-69 finalemi piffissaliunneqartoq naammassimmat 1-1-mik naligiiginnarput aammalu unammineq sivitsorneqaraluarmat ajugaasussarsisoqarani. Taamaattumik straffeqattaartoqarpoq tassanilu NÛK marloriarluni isertitsivoq I-69 ataasiaannarluni isertitsisoq.

Nersornaasiinerit

NÛK hold 1 aamma IT-79 bronzennanniupput tassanilu NÛK 3-1-mik ajugaavoq. B-67 Nuummeersoq normu 5-tut inissippoq.

Finale naammassimmat nersornaasiisoqarpoq. Toqqaanerillu imatut inissipput:

Sukaataarluarnerpaaq: Emma Hansen, NÛK 1

Arsalerillammak: Kristine Nielsen, I-69

Arsallammak: Ajla-Bibi Knudsen, NÛK 2

Ukiup iligiivi:

Aquttoq:

Nadia Lundblad, NÛK 2

Arsaattut:

Aili Platou, NÛK 2
Ajla-Bibi Knudsen, NÛK 2

Kristine Nielsen, I-69

Marie Broberg, I-69