Niviarsiaraq aqqaneq-marlunnik ukiulik ulloq unnuarlu paaqqinnittarfimmiit ingerlasimasoq
Niviarsiaraq aqqaneq-marlunnik ukiulik ulloq unnuarlu paaqqinnittarfimmiit marlunngornerup unnuaani ingerlasimavoq. Kalaallit Nunaanni politiit niviarsiaraq marlunngornerup ullaavani ujaarigaat, pigaartut pisortaat oqarpoq.
Niviarsiaraq aqqaneq-marlunnik ukiulik ulloq unnuarlu paaqqinnittarfimmiit unnuaq ingerlasimavoq. Suliaq politiiniit misissorneqarpoq, pigaartut pisortaat Thomas Jeppesen oqarpoq.
Allattoq Nicole Sander Bertelsen
septembarip 16-at 2025 10:30
Nutserisoq Medea Olsen
Niviarsiaraq 12-inik ukiulik ippassaq unnukkut innarami takuneqarpoq. Niviarsiarali najugaqarfigisamini ineeqqaminiit marlunngornerup unnuaata ingerlanerani anisimasoq, Kalaallit Nunaanni politiivini pigaartut pisortaat, Thomas Jeppesen oqarpoq.
- Ineeraa pigaartumiit unnuaq nalunaaqutaq pingasut qaangerlugu tanneq pingasut alakkarterneqarmat niviarsiaraq taqqamaniissimavoq, kingusiinnaali naugaqarfimmiit anisimavoq, taanna oqarpoq.
Susoqarsimanera oqaatiginissaa suli siusippallaartoq, pigaartut pisortaata oqaatigaa, suliarli Kalaallit Nunaanni politiiniit marlunngornermi sukumiinerusumik misissorneqassaaq.
