Nivi Olsen: Ilinniartitaanermi sipaartoqarniarnera atuarfiit ingerlannerannut sunniuteqarnavianngilaq
![](/sites/default/files/styles/image_934x467/public/article_images/ni-elever_01.jpg?itok=bYbdO3z7)
Meeqqat atuarfianit ilinniagaqarniarlutik ingerlaqqittartut ikippallaarnerat, Piareersarfiit atugaavallaarneri ilinniagaqarlutillu ingerlaqqittartuni unitsitsiinnartartut amerlavallaarneri ukiuni kingullerni oqallisaangaatsiarput.
Tamakkulu ingerlanerlukkaluartut ilinniartitaanermit 11 millionit koruuninik sipaarniartoqarput.
Sipaarniarnerilli sunniuteqarpallaarnavianngitsut Naalakkersuisoq Nivi Olsen isumaqarpoq.
- Aktivitetit toqqaannartumik, annernartuatigullu eqqorusunnagit sinneqartooruteqartartut amerlanertigut taakkuupput sipaaruteqarfigisagut, Nivi Olsen oqarpoq.
Aamma atuaruk Naalakkersuisut sumi sipaarniarnerlutik aaliangerpaat
Pitsanngorsaanerit
Aningaasarpassuillu atorneqaraluartut, ilinniartitaanerup ingerlalluarneranik takussutissiinngitsoq, Nivi Olsen isumaqarpoq.
- Immaqa nunarsuarmi akisunerpaamik meeqqat atuarfeqarpugut. Taamaattumik eqqarsartaaseq una piginngilara, sunaluunniit ilinniagaq pitsanngortissagaanni taava aningaasanik ilisiffigineqartariaqartoq.
- Taamatut oqareerlunga, ilinniartitaanerup iluaniannertoorujussuarmik pitsanngorsaasinnaasugut takusinnaallugu oqartariaqarpunga. Aningaasat taakkuutillugit pitsaanerusumik qanoq atorsinnaaneranut aqqutissanik ulikkaarsorivara, Nivi Olsen oqarpoq.