Niuertarfinni tillinniarnerit ujajaariaraluarnerlu
Nuummi niuertarfiuteqarluni ajornanngitsuinnaanngilaq sapaatip akunneratami ingerlanerinnaani niuertarfinni tillinniarsimasut 17-it tigusarineqarput saniatigullu pisiniarfik Sawadii iluatsinngitsumik ujajaaffigineqaraluarluni. Niuertarfinni tillinniarnerit amerlanerpaartaat Nuup qeqqani pipput:
-Illoqarfiip qeqqani niuertarfinni anginerusuni taamatut nalaataqarnerusarput, Nuummi Politiini vicepolitikommissæri, Erik Lynge Rasmussen ilisimatitsivoq.
Nuummi niuertarfiit ilaat Sawadii tallimanngormat ullukkut sisamanngulersoq ujajaaffigineqaraluarpoq. Ujajaasoq kiinarpaqarluni savik sulisunut qunusaarutigalugu niuertarfiup karsimi aningaasaataanik tunniusseqqusigaluarpoq. Sulisulli sapiillisaarlutik aningaasat tunniukkumasimanngilaat ikiortissarsiorlutillu nilliaannarsimallutik. Sulisut allat ikiuiartorlutik aggersimapput ujajaagaluartorlu arpalluni qimaasimavoq.
-Politiiniit pinerluttoqarsimaneranik sukumiisumik paasiniaasoqareermat pasisaq tigusarineqarpoq, eqqartuussivimmullu sassartinneqarpoq tigumigallagassanngortinneqarlunilu, taama Nuummi Politiit ilisimatitsipput.
Inuit niuertarfinni tillinniarsimasutut tigusarineqartut akiligassinneqarput. Niuertarfimmi tillinniarsimasutut akiligassiissutigineqartartoq minnerpaamik 500 koruuninik akiligassineqartarput.
