Nittartagaq oqallittarfik ullumi novembarip qulingani atoqqaartinneqalersoq

Inuinnaat naalakkersueqataanerisa pingaartinneqarnerisigut innuttaasullu paasisimasaqarluartut ilinniarsimasullu inuinnaat naalakkersueqataanerannik nukittorsaaqataasinnaanerat upperalugu, oqallinnerit isumassarsiallu aallartinniarneqarput, taakkumi Kalaallit Nunaannut tunngaviliisuussammata.  

Tamatuma anguniarnerani ilisimatuut ilinniagartuullu paasisaat ingerlateqqinneqassapput, taakkulu paasiuminartunnngorlugit aamma atuaruminartunngorlugit suliarineqassallutik, Kalaallit Nunaannilu ajornartorsiutit itinerusumik paasinissaannut tapertaassallutik.

Allaaserisat Aqagomit ingerlateqqinneqartut nittartakkami www.aqago.org-imi atuarneqarsinnaassapput, KNR radiukkullu aallakaatinneqartassallutik.

Aqagop nittartagaa ullumi ataasinngornermi novembarip qulinganni Københavnimi Kalaallit Illuutaanni nalliuttorsiualaarnermi ilisaritinneqassaaq.

Oqallinnerit KNR radiomi aappaagu januaarimit juunip tungaanut aallakaatinneqartassapput.     

Hans Peder Kirkegaard aamma Ivalu Stender  ilisimatuut oqallittartullu saqqummiussaannik allaaserisanik ilanngussisarniarput  taakkununnga ilaallutik Amerikamiut Danmarkimi aallartitaat Ruffus Gifford aamma Ilisimatusarfimmi Nuummiittumi tusagassiortunngorniat ilinniarfianni ilinniartitsisoq Naimah Hussain.