Nitrit-italinnik Nunatsinnut tunisaqanngillat
- Tamanna paasigakku ajuusaarutigaara, tamanna qularinngilluinnarpara. Taava nassuerutigiinnassavara maani ulluinnarni aqutsinermi suliartik iluamik isumagisimanngikkaat, Svend Erik Danielsen oqarpoq.
Svend Erik Danielsenip nassuiaatigaa Polar Salmon ulluinnarni immikkut aqutsisoqartut, sulianik akisussaaffigisaminnik naammassinnissinnaanissaat siulersuisuniit naatsorsuutigigitsik. Oqaatigaattaaq Polar Salmonip nunat tunitsivigisartakkami peqqussutaasa paasiniaqqissaarnissaat ilimagineqartoq, siulersuisunit aamma naatsorsuutigineqartoq:
- Oqaatsip qularnaveqqusiinissap atornissaa nuannarinngilara, neriorsussavakkilli ulluinnarni siulersuinitsinni sapinngisatsinnik suliniaratta, malugeqquarpullu siulersuisutut suliatsinni erseqqissaratsigu nunat tigusisussat pineqartut malittarisassanikt maleruaaniarlutik tamaviannguat iliuuseqarumaartut, Svend Erik Danielsen oqarpoq.
Polar Salmon siulersuisunit peqquneqarsimapput nunanut allanut tunisassioqqitsinnatik kukkussutertik ilinniarfigissagaat.
- Siornatigut pisut pillugit ulluinnarni siulersuisut aperaavut, taakkuali tamanna akuerinngilaat tamannalu EU-mi nunani pisimanngisaannarpoq, Svend Erik Danielsen oqarpoq.
Siulersuisut siulittaasuata oqaatigaa, Polar Salmon kapisilinnik tunisassiaminik nunatsinnut tunisineq ajortoq.Taamattumik nunatsinnut kapisilinnik nitritimik akulinnik annguttoqarnikuunngitsoq.
